0

Google Search Console Me Blogger Sitemap Kaise Submit Kare

Google Search Console Me Blogger Sitemap Kaise Submit Kare

 
Hello Dosto, Ek baar fir se aapka swagat hai mere naye post me. Pichle post me maine aapko bataya tha ki Google Search Console me Blog kaise add kare. Aaj mai aapko Search Console me Sitemap kaise Submit kare, is baare me bataunga. 
 
Dosto, Jab bhi ham kisi kaam me pure ji-jaan se mehnat karte hai to ham chahte hai ki hamari mehnat ke anusar hi hame uska result bhi mile. Usi tarah agar ham itni mehnat se koi post likhte hain to ham/aap bhi chahte hain ki hamara post Search me achcha rank prapt kare or usey jyada se jyada log padhein. Iske liye ham apne post or blog ka SEO karte hai. 

Continue Reading


2

Search Console Par Apna Blog Kaise Add Kare

Search Console Par Apna Blog Kaise Add Kare

Hello Dosto, Ek baar fir se aapka swagat hai mere naye post me. Pichle post me aapne jana ki Naye Blogger ko kaun si 10 galtiya karne se bachna chahiye. 
 
Aaj ke post me mai aapko bataunga ki apne Blog-Post ko Google Search me kaise laya jaye
 
Dosto, Ek post likhne me ham bahut mehnat karte hai. Kai alag-alag source se jankari prapt kar ke fir usey practical kar ke check karte hain or uske baad us experience ko post ke rup me likh dalte hain. Uske baad us post ki formatting or SEO karte hai. Itni mehnat karne ke baad bhi jab hamara Blog-Post Google me search karne par nahi dikhta hai to ham bahut nirash ho jate hai. 
Search Console Par Apna Blog Kaise Add Kare
Waise to Internet par bahut sare Search Engine hai lekin ham kuch bhi search karne ke liye sabse jyada Google ka hi use karte hai. Isliye aaj mai aapko Google-Search me apne post ko upar lane ka tarika bataunga. 
 
Google Webmaster Tool jisey ab Google Search Console kaha jata hai, iske jariye ham apne post ko Index kar sakte hain or search me high rank prapt kar sakte hain Lekin uske liye pahle aapko Google Search Console me account banana hoga. 

Google Search Console me Account Kaise Banaye.

Dosto, jaisa ki naam se hi aapko pata chal ja raha hoga ki ye bhi Google ka hi ek Tool/Service hai isliye is par aapko apni Gmail ki id se login karna hoga. Agar aapka Gmail par ID nahi hai to Sabse pahle ID banaye. 

Ye bhi Padhein: Gmail par Apna Account/ID kaise banaye

ID banane ke baad aapko Google Search Console ki Site par jana hoga.  Niche diye gaye link par click kar ke aap Search Console ki website par ja sakte hain.
Search Console Par Apna Blog Kaise Add Kare


Waha Sign in par click kar ke apni Gmail ID se login karna hoga. Log in karne ke baad aapke samne jo page khulega usme ek side me aapko ADD A PROPERTY likha nazar aayega, Aapko us Add a Property par click karna hai. 
 
Ab aapke samne kuch aisa screen aayega. 
Search Console Par Apna Blog Kaise Add Kare

Image me jaha aap is blog ka link dekh rahe hai waha aap apne blog ka link dalenge or fir ADD par click karenge. Add par click karne par aapke samne aisa page khul jayega. 

Search Console Par Apna Blog Kaise Add Kare

Aapko Upar ke Image me dikhaye anusar hi kaam karna hai. Sabse pahle aap Alternate Methods par click karenge. Waha aapko 4 options dikhenge. Usme aapko HTML Tag ko select karna hai. HTML Tag select karte hi aapke samne ek Meta Tag likha aa jayega. Meta Tag ko copy kar lijiye. Ab apne Blog me jaiye. Waha Template me jakar Edit HTML par click kariye. 

 

Ab aapke Samne aapke blog ka code dikh raha hoga, waha aapko <head> ke just niche Meta Tag paste kar dena hai. Uske baad Save Template par click kar Save kar lijiye or fir Back par click kar ke bahar aa jaiye. 

Search Console Par Apna Blog Kaise Add Kare


Ab wapas Search Console me jakar Verifiy Button par click kariye. Aapka Blog verify ho jayega or kuch aisa message aayega. 

Search Console Par Apna Blog Kaise Add Kare


Ab Continue par click kar ke Search Console ke Home page par jaiye. Waha aapko aapka Blog dikh jayega. Blog ke link par click karne par Aap Dashboard par pahuch jayenge. 



Search Console Par Apna Blog Kaise Add Kare

Dosto, Ye to tha Google Search Console me apne Blog ko Add karne ka detail process. Apne agle post me mai aapko bataunga ki Blog-Post ko kaise Index karte hai or Sitemaps Kaise submit karte hai, sath in sabke fayde ke bare me bhi bataunga. 

Aapko is Post me di gai jankari kaisi lagi, is baare me comment kar ke hame jarur batayein or hamare blog ko bookmark/subscribe karna mat bhuliyega.

Isey Bhi Padhein:

loading…


2

Naye Hindi Bloggers Ki 10 Galtiya

Naye Hindi Bloggers Ki 10 Galtiya
Hello Dosto, Ek baar fir se aapka swagat hai mere naye post me. Pichle post me aapne padha ki Post publish karne se pahle kin baato ko dhyan me rakhna chahiye. Aaj mai aapko Naye bloggers ke dwara starting me ki jane wali galtiyo or usey bachne ke bare me bataunga.
 
Dosto, Mere is blog ka maksad aap sabhi ki help karna hai. Mai chahta hu ki Aap jab bhi is blog par aaye to aapko kuch naya sikhne ko mile, or yahi soch kar mai ab roj aapke liye kam se kam 1 post jarur dalunga. Naye Hindi Bloggers Ki 10 Galtiya
Jyadatar log blog bana to lete hain lekin bina kisi jankari or anubhav ke vo blog ko sahi se maintain nahi kar pate hain or kai aisi galtiya kar dete hai jo unhe nahi karni chahiye or un galtiyo ke karan Search Engine me unke blog ki rank achchi nahi ho pati hai, jis karan unka bounce rate bhi badhta hai or earning bhi achche se nahi ho pati hai.
 
Post ko jyada lamba nahi khichte hue aaiye main topic par chalte hain. 

Naye Hindi Bloggers ki 10 Galtiya (10 Mistakes of New Bloggers)

  • Pahle din se hi Kamai ke bare me sochna

Jyadatar log Blog/Website banate hi kamai ke bare me sochne lagte hain. Pahle din post dala or fir us par koi Ad lga kar roj check karne lagte hai ki aaj kitni income hui or jab agle 10-15 dino tak unke man layak income nahi hoti hai to vo dhire-dhire blog par aana kam kar dete hain or ek din blogging hi band kar dete hain.
 
Aise logo se mai ye kahna chahunga ki aaj ke samay me Blogging me bahut scope hai or isme achchi income bhi hai lekin uske liye aapko isey samay dena padega.

 Isey Bhi Padhein: Post publish karne se pahle dhyan rakhe kuch jaruri baatein

Sabse pahle to aapko jisme interest ho usi topic par blog banana hoga or fir usme roj kam se kam 1 quality post likhna hoga. Quality post ka matlab hai ki us post me jo jankari di gai hai vo puri tarah se aapke apne knowledge or experience ke aadhar par likhi gai hai, kahi se koi copy nahi ki gai hai.
 
Jab aap roj apne blog par post dalenge to dhire-dhire Search Engine me aapke blog ki rank bhi badhegi or visitors bhi badhne lagenge jisse aapki earnings bhi badhegi lekin iske liye aapko Bina earning ke bare me soche kam se kam 6 mahine tak continue work karna hoga. 
 
  • Dusro ke Articles ko Copy-Paste karna
 
Aksar dekha gaya hai ki log Blogging me jaldi Safal hone ke chakkar me dusre Blog/Websites par likhe Articles ko copy kar ke or thoda edit kar ke apne blog par laga dete hai. Aisa kar ke vo log sochte hain ki vo bahut hi buddhimaan hain lekin vo ye nahi jante ki Google unse bhi jyada chalak hai.
 
Aise Copy-Paste articles ko Google pakad leta hai or apne tarike se us blog par penalty bhi lagata hai Lekin is copy-paste ka sabse bada nuksan blog ki rank par padta hai or Blog kabhi bhi Google/Yahoo Search me pahle page par nahi aa pata hai.
 
Isliye dosto mai aapko ye salah dunga ki Aap dusri website par jakar unke articles padhiye, fir usey apne website/blog par practical kar ke dekhiye or fir apne experience ke aadhar par Article likhiye.

Isey Bhi Padhein: Blog ka Ek se Jyada Admin kaise banaye

 
  • Ek sath kai Blog/Website par kaam karna
Kuch Bloggers suruwaati safalta se itne jyada utsaahit ho jate hain ki vo ek sath kai naye blog bana dete hai ya kai naye domain purchase kar lete hain or ye sochte hain ki issey unki income or bhi jyada badh jayegi yaani ki jitne jyada blogs honge utni jyada income.
 
Lekin dosto, yaha aap bahut badi galti karte hain. Jyadatar log 2 ya 3 se jyada blog to bana lete hain lekin baad me Samay ki kami ke karan vo kisi bhi blog ko paryapt samay nahi de pate jis karan unke blogs par daily updates nahi ho pate hai or unke visitors unse dur hone lagte hai or visitors kam honge to earning par bhi asar aayega. Isliye Mai aapse yahi kahunga ki Ek hi Blog banaiye lekin us par pura time dijiye.

Isey Bhi Padhein : Blogger Me Apna Template Kaise Add Karein

 
  •  English Articles ko Hindi me translate kar ke Apne Blog par lagana
Maine kai aise websites/Blogs dekha hai jaha kisi dusre websites par lagi English Articles ka Hindi me translate kar ke dala gaya hai. 
 
Bahut log aisa sochte hain unhone English me likhe Articles ko Hindi me translate kar ke apne blog par dala hai isliye Google bhi unhe kuch nahi kar payega. 
 
Dosto, Technology ke field me roj naye-naye changes ho rahe hai, ho sakta hai kisi din koi aisa software ban jaye jo aise translated Articles ko bhi pakad le to us din aapke blog par penalty lagna ya blog ka remove hona ya copyright ka mamla banna tay hai.
 
Isliye ek baar fir se kahunga Copy-Paste karne se bachiye or Apni jankari ke aadhar par Articles likhiye.
 
  • Apne readers/visitors ko samajhne me galti karna
 
Bahut Sare log blog to bana lete hain lekin vo ye nahi samajh pate ki unke blog par aane wale visitors kya chahte hain, kis tarah ki post padhna chahte hain or Sabse badi baad vo aisa kya search kiye jissey Search Engine ne unhe aapke blog ka link dikhaya.
 
Ye samajhne ka sabse aasan tarika hai apne blog ko Google Analytics se jodna. Google Analytics par jakar aap apni gmail id se Sign Up karein or waha apne blog ka link Add kar dein. Fir waha aapko blog verify karne ke liye bola jayega, blog verify kariye uske baad 24-48 ghante ke andar aapke blog ka pura data Google Analytics par milega.
 
Google Analytics par aapko puri detail reports jaise Total Visitors, Current Active Visitors, Page views, Page Sessions, Visitors Country name, Device sabki detail mil jayegi.
 
Uske baad aapko roj is detail ko check karna hai, usey Analyze karna hai or uske according apna post likhna hai. Agar aap aisa karte hain to aapko success hone se koi nahi rok sakta.
 
  •  Blog ko daily update nahi karna
 
Naye Visitors ki sabse badi problem hai ki Starting me to vo lagatar kai ghante tak blog ko time dete hai lekin kuch samay baad vo blog par aana band kar dete hai jis karan se blog par daily update ruk jata hai.
 
Jab Kuch dino tak Blog par daily update nahi hota to Blog ki page rank girne lagti hai or sath me visitors bhi aana band kar dete hain. Isliye kisi bhi Blog ki safalta ke liye ye jaruri hai ki usey lagatar update kiya jaye.
 
  • Readers/Visitors ke comments ka reply nahi karna
 
Naye Bloggers ki ek or badi galti ye hai ki vo apne visitors ka reply nahi karte ya sirf Thanks likh kar hi kaam chala lete hain lekin vo nahi jante ki aisa kar ke vo bahut badi galti karte hain.
 
Blog par aane wale har comments ka reply karne se Visitors or Blogger ke bich ek rishta sa ban jata hai or Blogger ke dwara har individual visitors ko reply dene se vo visitors apne ko special samajhta hai or fir vo baar-baar us blog par visit karta hai. Jisse Blog ka page views bhi badhta hai.
 
Comment ka reply karne se Blog ke SEO par bhi fark padta hai or issey Blog ki page rank badhne me bhi madad milti hai.

Isey Bhi Padhein: Blogger Me Kaam Aane Wale Useful Widget

 
  • Posts ke link har blog/website par paste karna
Naye Bloggers ki ek problem ye bhi hai. Post likha nahi ki uske link Facebook, Twitter, Whatsapp or sabhi Social Sites par dalna suru kar dete hain. Jitni bhi Blog/Websites ke baare me unhe pata hota hai sab par jakar apne blog ka link daal dete hai.
 
Aise andha-dhundh link post karne ko Internet ki duniya me Spamming kahte hain or aisa karne par Search Engine ya Google aise links ko apne list se remove kar dete hain jisse unke post ka link search me aa hi nahi pata hai.

Isey Bhi Padhein: Blogger Me Jaruri Widget Kaise Add karein

 
Ab aap kahenge ki link nahi post karenge to hamare Blog ke bare me logo ko pata kaise chalega. Aapka kahna bhi sahi hai lekin andha-dhundh link post karne ki jagah Facebook or Whatsapp par apne Blog ka Page/Group banaye or usme apne Blog Post ka link daal dein, aisa karne se ek sath bahut logo ko aapke blog ke bare me pata chal jayega.
Iske alawa aap Webmasters me jakar bhi apne Blog Post Index kar sakte hain.
 
  •  Keywords ka jarurat se jyada prayog
Kisi bhi Blog or Blog Post ko Search Engine me upar lane me us post me use kiye gaye Keywords bahut hi important role play karte hain lekin agar keywords jarurat se jyada prayog kiye jaye to vo us post ke liye nuksandayak sabit hota hai.
 
Post me Jarurat se jyada keyword use karne par Search Engine us post ko nazarandaj kar deta hai jisse aapka post or blog search me apni ranking kho dete hain. Isliye jarurat se jyada Keyword ke prayog se bachein.
 
  •  Backlinks nahi banana
Upar ke Topic me maine bataya ki andha-dhundh link post nahi karna chahiye iski jagah aapko jyada se jayad backlinks banane par dhyan dena chahiye.
 

Ab aap soch rahe honge ki Backlinks kya hota hai?  Kisi bhi dusre Blog/Websites par aapke dwara post kiye gaye links jinse aapke blog par visits aate hai, backlinks kahlata hai.

Ab aap soch rahe honge ki isey to Spamming kahte hain. Mai aapko batana chahunga ki Spamming or Backlinks me fark hota hai. Backlink ke bare me hamara detail se janne ke liye hamara ye post jarur padhein. Backlinks Kya Hota hai Aur Ye Kyu Jaruri hai

 
Spamming me aap Apne blog ke links har websites/Blogs par post karte jate hai jo baad me site owner ke dwara remove kar diye jate hai or kai baar Google bhi un links ko SPAM ki category me daal deta hai.
 
Wahi Backlinks banane ke liye ham dusre Websites/Blogs par jakar waha Guest Post karte hain, Comments dalte waqt jo form fill karte hain usme apne blog ka link dalte hain jissey koi bhi person hamare naam par click kar ke hamare Blog par aa sakta hai.
 
Iske alawa agar kisi website owner ya blogger se achchi banti hai to aap usse request kar ke Apne blog ka link unke site par My Favorite Site ki list me bhi dalwa sakte hain, ye bhi ek bahut achcha backlink hota hai.
 
Ummid karta hu aapko Backlink or Spam ke bich ka difference samajh me aa gaya hoga.
 
Aapko hamara Aaj ka ye Post kaisa laga is bare me hame Comment Box me jarur bataiyega or hamare Blog ko Bookmark karna mat bhuliyega. Thanks 🙂 

Isey Bhi Padhein:

loading…


3

Post publish karne se pahle dhyan rakhe kuch jaruri baatein

Post publish karne se pahle dhyan rakhe kuch jaruri baatein

Hello Dosto, Mai Rahul ek baar fir se aapka swagat karta hu apne naye post me. Pichle post me maine aapko bataya tha ki Blog ka ek se jyada Admin kaise banaye. Aaj mai aapko bataunga ki Blog post ko Publish karne ke waqt kya-kya jaruri baato ka dhyan rakhna chahiye.
 
Dosto, Aksar aisa hota hai ki jab aap koi post likhte hain to usey achche se check kiye bina usi waqt publish kar dete hain. Fir jab aap us post ko padhte hain to aapko usme kuch kami/galti nazar aati hai or fir aapko usey edit karna padta hai.  Post publish karne se pahle dhyan rakhe kuch jaruri baatein
Agar aap chahte hain ki ek baar post ko publish karne ke baad usey dubara edit karne ki jarurat na pade to iske liye aaj aapko hamara ye post jarur padhna chahiye.
 
Jis tarah har kaam ko karne ka ek fix step hota hai, thik waise hi Blog me Post likhne or publish karne ka ek step hota hai. Agar aap us step ko follow karte hain to aapke post me edit karne ki sambhavna bahut hi kam rahegi ya edit karne ki jarurat nahi padegi. Waise jaha jarurat ho waha post edit karne me koi problem nahi hai. 

Isey Bhi Padhein: Blogger Me Apna Template Kaise Add Karein

Post Publish Karne Se Pahle In Baato ko Dhyan me Rakhe

Sabse pahle to aap jis topic par post likhne ja rahe hain uske baare me achche se jankari juta lein. Uske baad jab aap post likhein to kosis karein ki aapke topic or post se related keyword aapke post me jarur ho. 

Post likhne or Publish karne tak ke Steps:- 

1. Sabse pahle apne post ke liye ek achcha sa topic select karein.
2. Aap jis topic par post likhna chahte hain uske bare me achche se jankari juta lein.
3.Post likhne ke baad publish nahi karein balki draft me save kar de.
4. Post ki SEO karein
5. Proof Reading karein,
6. Post Publish karein.

Isey Bhi Padhein: Blogger Me Kaam Aane Wale Useful Widget

Aaiye ab in sabhi points par detail me charcha karte hain. 

1. Post ka Title 

Post likhne se pahle apne post ke Title ka chunav kare. Aapke Post ka Title aisa ho jise padh kar hi aapke post ke content ke bare me andaja lag jaye, Sath hi post ka title thoda attractive bhi ho jisse Title padhne wala person puri post padhe bina na rah paye.
 
Sabse important baat, Post ka Title or Post ke content me samanta honi chahiye, matlab aapke post ka jo Title hai usi se related content bhi hona chahiye. Aisa nahi hone par aapke readers dubara aapke blog par nahi aayenge jisse aapka hi nuksan hoga. 

Isey Bhi Padhein: Blogger Me Jaruri Widget Kaise Add karein

2. Post ke bare me achchi Jankari hona chahiye 

Aap jis topic par post likh rahe hain uske baare me aapko achche se jankari hona chahiye. Kai baar log kisi or ka content apne blog me paste kar dete hain or jab koi reader unse comment me kuch sawal puchta hai to vo uska jawab nahi de pate hain.
 
Isliye koi bhi post likhne se pahle us topic ke bare me achche se Internet ya kitabo ke madhyam se jankari prapt karein.

3. Post ko Draft karein 

Post jab complete ho jaye to usey usi waqt publish karne ki bajay usey draft kar de or usey khud se padhein or Spelling mistakes ya grammar ki galtiya ho to usey sudharey. Kai baar khud ki post dubara padhne par usme kuch nai lines add karne ki jarurat lagti hai.
 
Isliye Post ko publish karne se pahle usey draft me save kar ke ek baar jarur padhein. 

Isey Bhi Padhein: Blogspot ka Country Specific Redirect Kaise Band Kare

4. Post ko padhne layak banaye. 

Dosto, jab bhi aap post likhe to ye dhyan rakhe ki usme aapki language jyada tough na ho. Bhasa aisi ho ki jo bhi aapka post padhe, usey aasani se samajh me aa jaye.
 
Iske alawa Post me jarurat ke anusar Heading, Sub-Heading ka prayog jarur karein. Kisi khash line ko Highlight, Bold ya Italic jarur karein, Isse readers ko bhi samajhne me aasani rahegi.

5. SEO:- Interlinking, Category or Tag ka prayog karein. 

Post likhne ke baad apne usey SEO karna na bhulein. SEO (Search Engine Optimization) karne se hamara post Google, Yahoo ya dusre search engine me teji se high rank me aata hai.

 Isey Bhi Padhein: Blog Me HTML-Java Script Widget kaise add karein

Post me Interlinking karna SEO ke lihaaj se sabse best mana gaya hai. Interlinking ka matlab hota hai post me apne hi blog ke kisi dusre post ka link dalna. Issey readers ko usi topic se related dusre post tak jane me bhi aasani rahti hai or hamare blog ka bounce rate bhi kam hota hai.
 
lekin Interlinking wahi karein jaha uski jarurat ho, bewajah kahi bhi link na daalein. 
 
Category & Tag:– Aapka post jis par likha gaya hai usi se related suitable category ka use karein. Jaise agar aapne Film ka review dala hai to usey Movie ki category me daalein na ki Sports ki. Iske alawa apne post ke liye sabse suitable Tag ka use karein.
 
Content ke mutabik Category or Tag ka use karne par readers ko bhi aapke dusre post tak pahuchne me paresani nahi hogi or search engine ko bhi aapke post ko search karne me aasani rahegi.

Isey Bhi Padhein: Blogger Me Navbar Kaise hataye

6. Image me Alt tags ka prayog. 

Apne har post me kam se kam ek image jarur daalein or usme Alt tag ka use karna na bhulein.
 
Image me Alt tag ka use karne se Search Engine ko ye pata chalta hai ki vo image kis bare me hai. Image me Alt tag ka prayog karne se bhi Search Engine me rank badhti hai.
 
Lekin post me jarurat ke anusar hi image ka prayoga karein, bina wajah jarurat se jyada image na daalein issey aapka post or blog ki loading slow ho jati hai jisse search engine me rank par fark padta hai. 

Isey Bhi Padhein: Powered by Blogger hatane ka upay

7. Keyword ka prayog jarur karein. 

Post likhte samay usse related keywords ka prayog jarur karein. Ho sake to ek-do keywords aise bhi prayog karein jinki aapke post me jarurat ho or pure post me uska 4-5 baar prayog kiya ja sake.
 
Lekin aise keywords ko sahi jagah par place karein jisse padhne wale ko bhi odd na lage or Search Engine bhi usey read kar sake.

8. Post Publish karein. 

Post pura karne ke baad sabse last me 2-3 line likh kar apne readers ko apne post ke bare me review likhne ko jarur kahein, sath me unhe apne blog ko subscribe karne ko bhi kahein.
 
Ab aap finally post publish kar dein.

Isey Bhi Padhein: Blog Post ki Setting Kaise kare 

Dosto, Ye to tha post publish karne se pahle kiye jane wale kuch jaruri kaam lekin ek baat mai aapko batana chahunga ki aap jo bhi post likhein khud uski jankari prapt kar ke likhein, kisi or ke post ki copy bilkul na karein. Post copy karne se bhi Search Engine me aapke rank par fark padega.
 
Agar aapko ye post pasand aaya ho to comment ke jariye mujhe jarur batayein or hamare blog ko Subscribe jarur karein. 

Isey Bhi Padhein:

loading…


2

Blog ka Ek se Jyada Admin kaise banaye

Blog ka Ek se Jyada Admin kaise banaye


Hello Dosto, Mai Rahul aapka apne Naye Post me swagat karta hu. Aapne pichle post me sikha ki Blog me apna khud ka template kaise add karein. Aaj mai aapko bataunga ki Blog me ek se jyada Admin kaise banaye/Jodein.
 
Dosto, kai baar ham blog bana lete hai lekin samay ki kami ke karan ham Blog par apna time nahi de pate hain or aise me Blog me kai dino tak koi update nahi ho pata hai, jis karan visitors ko lagta hai ki is blog par visit karne se ab koi fayda nahi hai. Is karan Blog ki visit kam hone lagti hai or sath me Google Search me Blog ki ranking par bhi asar padta hai.

Blog ka Ek se Jyada Admin kaise banaye


Aise me kai baar hame ye bhi lagta hai ki kaash koi or bhi is blog par hamara sath de pata to hame roj-roj blog update karne ke liye samay nikalne ki jarurat nahi padti.
 
Lekin Blog par update karne me hamara sath koi tabhi de sakta hai jab hum usey apne blog ka Id or Password bata dein. Bahut sare log apni Id or Password kisi or ke sath share nahi karna chahte hain, aise me unke paas ek or tarika hai jiske jariye vo apne blog par kisi dusre person ko Admin bana sakte hain.

Isey Bhi Padhein: Blogger Me Kaam Aane Wale Useful Widget

Sabse pahle aapko Blogger me apni ID se login karna hoga or fir Side me dikh rahe Menu me SETTINGS me jaayein. Waha aapko BASIC me jana hoga, Waha apko Permissions ke thik niche Blog Authors likha dikhega, Jaisa ki Screen shot me dikhaya gaya hai.
Blog ka Ek se Jyada Admin kaise banaye
Ab Naye Admin add karne ke liye aapko ADD AUTHORS par click karna hoga, click karte hi aapke samne ek box dikhega, usme jisey aap Admin/Author banana chahte hain uska email address type kariyega or Invite Authors par click kar dijiyega.
Blog ka Ek se Jyada Admin kaise banaye
Fir jisey aapne Add kiya hai, usey inform kar dijiye or unhe bata dijiye ki aapko ek Invitation aayega, usey Accept kariye. Jaise hi vo accept kar lenge waise hi aapke taraf Blog Authors me do naam dikhenge ek aapka or ek aapke friend ka.
Yaha dhyan dene wali baat ye hai ki waha aapko ek drop down menu bhi dikhega jisme Admin or Author likha hoga. Aap apni suvidha anusar unhe Admin ya Author bana sakte hain.

Isey Bhi Padhein: Blogger Me Jaruri Widget Kaise Add karein

Admin banane par aap unhe Blog ka full access de denge jabki Author banane par us person ko sirf limited access hi mil payega jaise ki post update karna etc.
 
Aapko ye post kaisa laga is baare me comment box me jarur bataiyega. 

Isey Bhi Padhein:

loading…


5

Blogger Me Apna Template Kaise Add Karein

Blogger Me Apna Template Kaise Add Karein

Hello Dosto, Mai Rahul ek baar fir aapka apne naye post me swagat karta hu. Abhi tak aapne sikha ki Blog kaise banayeBlog me post kaise daleBlog Post setting kaise kare etc.


Aaj mai aapko bataunga ki 

Blogger me apna/custom template kaise add karein.

Blogger Me Apna Template Kaise Add Karein
Dosto, jab bhi hum blogger par blog banate hai to blogger hame kuch templates free me deta hai, agar hum us template ko use karte hain to hame alag se koi naya template add karne ki jarurat nahi hoti hai. Lekin agar hum apne blog ko or bhi jyada attractive banana chahte hain to hum usme alag se khud ka design kiya hua template ya Internet par maujud websites se free/paid template download kar ke bhi laga sakte hain.
 
Dosto, aapko sayad pata nahi hoga, blog ki ranking badhane me ek achcha template bahut hi important role ada karta hai. Agar aapka template SEO (Search Engine Optimization) friendly hai to Google ke search rank me aasani se aa jayega. Lekin agar aap Blogger ka template use kar rahe hain to search ranking me top par aane ke chance bahut kam hote hai, aisa nahi hai ki Blogger ke template use karne par aapka blog search ranking me upar nahi aayega lekin uske liye aapko kadi mehnat bhi karni padegi.

Template Mobile-Friendly bhi hona chahiye.


Template aisa hona chahiye jo Desktop ke sath-sath Mobile me aasani se open ho jaye. Aapko pata hi hoga ki aajkal jyadatar log Mobile par hi net use karte hain, aise me is baat ke pure chance hai ki lagbhag 60% log mobile me hi aapka blog open karenge. Isliye jo bhi template choose kariyega vo SEO friendly hone ke sath-sath Mobile Friendly bhi hona chahiye.
 
Aaiye Sabse pahle jante hai Custom Template ke baare me. Agar aap programmer hain ya aapko programming aati hai to aap apna khud ka Template design kar sakte hain, lekin agar aapko programming nahi aati hai to bhi paresaan hone ki jarurat nahi hai, aapke liye internet par hajaro websites hai jo aapko free me template dete hai. Agar aapko SEO friendly template chahiye to aap in websites se Template purchase bhi kar sakte hain.

Isey Bhi Padhein: Blogger Me Kaam Aane Wale Useful Widget

 

Blogger me Custom Template Add Karne ke Steps:

 
Ab hum maan lete hai ki aapke paas custom template aa chuka hai. Ab mai aapko template upload karne ka process batata hu.
 
Sabse pahle aap apne Blogger me login karein. Uske baad Template me jaayein aur Backup/Restore par click karein.
Blogger Me Apna Template Kaise Add Karein
Jab  aap Backup/Restore par click karenge to ek ek Pop-up khulega. Waha aapko Download Full Template likha dikhega. Sabse pahle aap apne current template ko download kar lijiye. Agar naya template upload karne me kuch gadbad ho gai ya naya template aapko pasand nahi aaya to aap download kiye hue purane template ko fir se restore kar sakte hain.
Blogger Me Apna Template Kaise Add Karein
Purana Template download ho jane ke baad aap Choose File par click karein, aisa karne par ek box khulega, Naya template aapne jaha bhi save kiya hoga waha se aap us template ko select kar lein or fir Upload button par click kar dein.
Blogger Me Apna Template Kaise Add Karein

Kuch der loading ke baad lijiye aapka naya Template upload ho gaya. Ab aap apne blog ko open kar ke Naye Template ko dekh ssake hain.

Yaha kuch Free Template website ka naam de raha hu jaha se aap free me template download kar sakte hain.


In Websites se Free template Download Karein:

Dosto, aapko ye jankari kaisi lagi, comment box me mujhe jarur batayein.

Isey Bhi Padhein:

loading…


13

Blogger Me Kaam Aane Wale Useful Widget

Blogger Me Kaam Aane Wale Useful Widget

Hello Dosto, Mai Rahul aapka apne naye post me swagat karta hu. Bahut dino se busy chal raha tha isliye post likhne ka samay nahi mila. Hamare ek visitor ne mujhse kuch or useful widget add karne ke bare me likhne ka sujhav diya, isliye mera aaj ka topic bhi isi par hai.

Blogger Me Kaam Aane Wale Useful Widget
Pichle post me aapne padha ki kaise Jaruri widget Add kiya jaye, is blog me mai kuch aise widget ko add karne ke bare me bataunga jo blogger me hi hoti hai lekin hame unke bare me pata nahi hota hai. Iske alawa aap us apni pasand ke widget ke cofde kisi or website se copy kar ke (agar free me available hai to) ya fir purchase kar ke apne blog par laga sakte hain. Isse aapka blog/website or bhi aakarshak dikhega.

Isey bhi padhein:- Blogger Me Jaruri Widget Kaise Add karein

Sabse pahle mai Blogger me maujud kuch or useful widgets ke bare me bataunga.
Blogger Me Kaam Aane Wale Useful Widget

Blogger Me Kaam Aane Wale Useful Widget:-

Sabse pahle aapko Dashboard me jakar Layout me jana hoga, waha aapko Add a Gadget par click karna hoga.
Blogger Me Kaam Aane Wale Useful Widget

 


  • AdSense:- Dosto, hum sabhi chahte hain ki hamne jo blog/website banaya hai usse hame kuch aamdani bhi ho. Google ka AdSense us aamdani ka sabse bada jariya hai. Agar hame apne blog/website par google ka Ad lagane ka adhikaar mil jata hai to Ad lagane ke liye sabse jaruri chiz hai AdSense widget. Is widget ke jariye ham kisi bhi page par or page ke kisi bhi hisse me (Left, Right, Center, Top, Bottom) par ham Google ke Ad laga sakte hain. 
  • HTML/JavaScript:- Is widget me ham external code add kar ke ya apna khud ka code likh kar ek custom widget add kar sakte hain.
  • Profile:- Is widget ko add karne par blog par aane wale visitors Blog Admin ki Google+ Profile dekh sakte hain.
Blogger Me Kaam Aane Wale Useful Widget

Isey Bhi Padhein: Blogspot ka Country Specific Redirect Kaise Band Kare

  • Labels:- Jab bhi aap koi post banate hai to us post ke anusar usey ek khas category me dalte hain, or us category ka naam dete hain jisse jab bhi aapko jarurat pade to aapko Saikdo posts ke bich me se vo post talash nahi karna pade balki sirf us category me jane bhar se aapko vo post mil jaye. Isey hi hum Labels bhi kahte hain. Labels widget add karne se sirf Admin ko hi nahi Visitors ko bhi kaafi suvidha hoti hai or Visitors bhi labels dekh kar samajh jata hai ki ye post kis category ka hai or agli bare usey us post ko search karne me bhi asani hoti hai.
  • Pages:- Is widget ke jariye aap apne blog me create kiye gaye sabhi pages ko Horizonally ya Vertically show kara sakte hain.
  • Link List:- Is widget ke jariye aap apne visitors ko apne favourite blog, websites ya links ke bare me bata sakte hain.
  • Text:- Is widget ke jariye aap apne blog ke bare me ya fir koi notification likh kar aap apne visitors ko bata sakte hain.
  • Popular Posts:- Is widget ki madad se aap ye pata kar sakte hain ki is week me ya is month me kon se post par sabse jyada visit hui hai.
Blogger Me Kaam Aane Wale Useful Widget
  • Search Box:- Ye widget visitors ke liye bahut hi useful saabit hota hai. Visitors ko aapke blog par kuch bhi search karna ho to vo Search Widget me type kar ke search karte hain. Kisi bhi achche blog ki sabse badi nishani hai waha Search Widget ka hona.
  • Blog’s Stats:- Is widget ke jariye aap apne blog par total pageviews ki counting dekh sakte hain.
  • Video Bar:- Is widget ke jariye aap apne blog me Youtube ke videos bhi add kar sakte hain. Aapko bas Youtube ke video ka link is widget me paste karna hoga or save karte hi aapke blog par video show hone lagega.
  • Follow by Email:- Is widget ko add karne par aapke visitors or aapke followers ke liye aapke naye posts ke bare me janne me suvidha hoti hai. Jab aapke followers email ke jariye aapko subscribe karte hain to aapke dwara dali jane wali har post ki jankari unke paas email ke jariye pahuch jati hai.
Blogger Me Kaam Aane Wale Useful Widget
  • Poll:- Aap ye widget add kar ke apne visitors se kuch sawal puch sakte hai, koi quiz puch sakte hain ya kisi poll me participate karne ke liye kah sakte hain.

 Isey Bhi Padhein: Blog Me HTML-Java Script Widget kaise add karein

Dosto, ye tha Blogger me maujud kuch bahut hi jaruri widgets ki jankari. Aap chahe to kisi bhi dusre website se apni pasand ke widget ke code copy/purchase kar ke apne blog par HTML/JavaScript widget me paste kar ke add kar sakte hain.
 
Ye jankari aapko kaisi lagi, is bare me comment box me mujhe jarur bataiyega. 

Isey Bhi Padhein:

loading…


0

Blogger Me Jaruri Widget Kaise Add karein

Blogger me jaruri widget kaise add karein
Hello Dosto, Mai Rahul ek bar fir aapka apne naye post me swagat karta hu. Abhi tak maine aapko bataya ki Blog me Post kaise daale, Blog Post ki setting kaise kare…etc…
 
Aaj mai aapko bataunga ki Blog me kuch jaruri widget kaise add karein. Aapne dekha hoga ki jyadatar blogs me pageviews show hota hai, kisi live traffic bhi dikhta hai to kisi blog me chatting ka bhi option hota hai. Ye sare widget aap bhi apne Blog me add kar sakte hain.
Blogger me jaruri widget kaise add karein

Isey Bhi Padhein

Sabse pahle hum jante hain ki Blog me Pageviews batane wala Widget kaise add karenge. Iske liye aapko apne Blog ke dashboard me jana hoga, waha Layout par click karna  hoga. Ab Layout me jane par aapko Add a Gadget ka option dikhega.
Blogger me jaruri widget kaise add karein
Add a Gadget par click karein.  Ek naya page khulega, usey scroll kar ke niche jaye waha aapko Blog’s Stats milega.
Blogger me jaruri widget kaise add karein
Blog’s Stats me (+) par aapko click karna hai. Ab aapke samne aisa page dikhega.
Blogger me jaruri widget kaise add karein
Isme se aap apni pasand ka koi bhi widget select kar lein or Save par click kar dein. Ab aap apna Blog open kariye, aapke Blog me pageviews batane wala widget lag chuka hai.
 
Aise hi aap Blog Archive, Labels, Pages, Popular Posts, Polls etc. ke widget add kar sakte hain.
 
Ab bari hai Live Traffic ki. Live Traffic widget add karne ke liye sabse pahle aapko FEEDJIT (Click Here) website par jana hoga. (1) Waha jakar aapko Widget ka apni pasand ka colour chunne ka muaka milega.
Blogger me jaruri widget kaise add karein
(2) Fir aapko niche diye gaye list me se Blogger Blog ya apni pasand ke kisi bhi platform ko chunna hoga. Jaise Blogger Blog, WordPress.. etc. fir (3) Go button par click kana hai. Click karte hi aapke samne ek code dikhai dega. Aapko us code ko copy kar ke apne blog ke layout me jana hai. Waha Aap Add a Gadget par click karna hai.
 
Waha HTML/Java Script ko select karna hia, waha ye code paste karna hai or Save kar dena hai. Ab aapke Blog me Live Blog Traffic show hone lagega.
 
Dosto, aapko ye jankari kaisi lagi, is bare me comment me jarur bataye.

Isey Bhi Padhein:

loading…


10

Blogspot ka Country Specific Redirect Kaise Band Kare

Stop-Blogspot-Country-Specific-Redirect-domains
Hello Dosto, Ek baar fir aapka swagat hai mere naye Post me. Pichle post me maine bataya ki Naye Bloggers ko kaun si 10 galtiya karne se bachna chahiye. Aaj mai aapko ek nai tarah ki jankari dene wala hu.
Aapne dekha hoga ki jab bhi hum koi Blog open karte hai to uska url apne aap .in par shift ho jata hai. Jaise agar aap browser me abc.blogspot.com open karenge to vo khud hi .com se change hokar .in par aa jayega or kuch aise khulega- abc.blogspot.in. 
 Stop-Blogspot-Country-Specific-Redirect-domains
Aisa Google ke features ke karan hota hai or ye hamare hi sath nahi balki sabhi ke sath hota hai. Matlab agar America me koi hamara Blog open karega to waha abc.blogspot.us khulega wahi UK me .uk ho jayega. Google ne aisi setting kar rakhi hai jisse har country ke hisab se waha ka domain open hota hai. 

Isey Bhi Padhein: Blog Post ki setting kaise kare

Ab Sawal ye uthata hai ki Google aisa kyu karta hai?

Iski sabse badi wajah ye hai ki pahle Google ko .com wale Blogs ko track karne me mushkil hoti thi isliye usne Country Specific Redirect URL start kiya jisse Koi bhi Blog kis Country me kitni baar open kiya gaya, isey track kiya ja sake. Lekin aapko chinta karne ki koi jarurat nahi hai, hum Country Specific Redirect ko band bhi kar sakte hain. Aaj is post me hum isi bare me batayenge.   

Aap soch rahe honge ki agar URL Country ke hisab se redirect hota bhi hai to hame issey kya karna hai, hamara issey kaun sa nuksan ho raha hai lekin dosto mai aapko batana chahunga ki Iske fayde to khuch khas nahi hai lekin nuksan jarur hai. 

 Isey Bhi Padhein: Powered by Blogger Kaise Hataye

Aaiye jante hai is redircetion se hone wale nuksan ke bare me. 

Country Specific Redirect ke Nuksan.

  • Alexa Rank

Alexa Internet par maujud har Blog/Sites ko uske performance ke anusar Rank deta hai. Jab bhi kisi desh me hamara Blogs open hota hai to Alexa us desh me hamare Blog ko rank deta hai jisse hame ye pata chal jata hai ki hamara Blog us desh me kitna famous hai Lekin Nuksan ye hai ki har desh me alag-alag domain me blog open hone ke karan Alexa bhi hamare Blog ko Country wise Rank deta hai jisse Hamare Blog ke Overall Rank par asar padta hai. 

Wahi agar pure world me .com domain open hoga to iska fayda ye hoga ki hamare Blog ki Alexa Ranking bhi achchi hogi or Jab koi hamare Blog ki detail check karega to Alexa Ranking dekh kar Impress ho jayega.

Isey Bhi Padhein: Blog Me HTML-Java Script Widget kaise add karein

  • Earning Problem

Hum earning ke liye apne blog par kuch Ads lagate hai. Jyadatar Ads comapniya Geo based ads deti hai. Jab hamara Blog kisi aise desh me open kiya jata hai jaha Ads ka CPM ya CPC bahut low hai or hamare Blog ka url waha ke domain par redirect ho jata hai to us desh me hamare Blog par waha ke ads dikhte hai lekin low CPM ya CPC ke karan hamari earning achchi nahi ho pati hai. Wahi .com Domain hone ke karan hamare Blog par kuch High Quality premium Ads hamesa show hote hai jisse hamare earnings par jyada fark nahi padta hai.
  •  Social Sharing

Jab humare Blog Post ka link Social Sites jaise Facebook, Google+, Twitter or Whatsapp par share kiya jata hai to alag-alag countries me waha ke domain me open hone ke karan Blogger humare Blog ke Social Sharing Stats ko sahi se count nahi kar pata hai. Iske alawa agar aap Disqus Comments ka use karte hain to usme bhi problem aa sakti hai.

Ye to tha Blog ka URL redirect hone ke nuksan. Ab aaiye dekhte hai ki isey kaise band kiya ja sakta hai.

Isey Bhi Padhein: Blogger Me Navbar Kaise hataye

Country Specific Redirect ko Band karne ke Steps:-

Sabse Pahle aap Blogger me Login kariye or uske baad Dashboard >> Template >> Edit HTML me jaiye. 

Blogspot ko Country Specific Redirect kaise kare


 Ab Ctrl+F press kar ke <head> Find kare. or niche diya gaya code Copy kar ke <head> ke thik niche paste kar dijiye. 

 

<script type="text/javascript">
var blog = document.location.href.toLowerCase();
if (!blog.match(/\.blogspot\.com/)) {
blog = blog.replace(/\.blogspot\..*?\//, ".blogspot.com/ncr/");
window.location.replace(blog);
}
// Source: 
</script>

Ab Template Save kar dijiye. 
Dusre Tab me Blog abc.blogspot.in me open kar ke check kariye. Aap dekhenge ki aapke Blog ka link apne aap abc.blogspot.com me convert ho jayega. 
Ummid karta hu aapko ye post pasand aaya hoga. Agar koi Sawal ho to Comment kar ke jarur puchiyega or apne Friends or Relatives ke sath hamare Blog ka link share karna mat bhuliyega. Thank You.

Isey Bhi Padhein:

loading…


10

Blog Me HTML-Java Script Widget kaise add karein

Blog Me HTML-Java Script Widget kaise add karein
Hello Dosto, Abhi tak maine aapko Free me Blog banane, Blog me post dalne or Blog Post ki chhoti-moti settings ke bare me bataya. Aap sochte honge ki kisi bhi blog side me Ad lage dikhte hain ya Facebook Like box bana dikhta hai to vo kaise lagaya jata hai, ye aap jarur sochte honge.
 
Aaj mai aapko isi baare me bataunga. Sabse pahle mai aapko batana chahunga

HTML/Javascript widget kya hai.

Blog Me HTML-Java Script Widget kaise add karein
 
Ye blogger me ek Widget hota hai jisme ham HTML/Javascript ke code add karte hain or save karte hi us code se related chize blog me dikhni suru ho jati hai.
 
Jaise maan lijiye aapko koi Ad lagana hai or aapke paas Javascript ka Code bhi hai to aap HTML/ Javascript widget me jakar ye code paste karenge or Save kar denge. Fir jab aap apne blog ko open kariyega to vo Ad aapko waha show ho raha hoga.

Isey bhi padhein: Use of HTML Tag.

Ab sawal ye hai ki HTML/Javascript ka widget kaise banaye. to dosto, aapko widget banane ki koi jarurat nahi hai. Bas uske liye kuch process follow karne honge. Jo mai pics ke jariye aapko bataunga.

Blog Me HTML-Java Script Widget kaise add karein

Sabse pahle aap Dashboard par Layout me jaiye.
Blog Me HTML-Java Script Widget kaise add karein
Layout me aapko Add a Gadget par click karna hai. Click karte hi aapke samne ek naya page khul jayega.
Blog Me HTML-Java Script Widget kaise add karein
Usme aap HTML/JavaScript ko search kar ke uske samne maujud (+) ke button ko click karenge, ab aapke samne ek khali page khul jayega, jisme do box bane honge.
Blog Me HTML-Java Script Widget kaise add karein
Inme se ek box Title ka hota hai jaha par aapko apne HTML/JavaScript se related ek title dena hota hai. Generally ham isey khali chhod dete hai. Ab aap content box me apna Code paste karenge. or fir aap Save button par click kar denge. Save hote hi ye box gayab ho jayega.
 
Ab aapke samne layout ka page wapas aa jayega. Waha aap HTML/JavaScript ke wideget ko mouse se drag kar ke upar niche kar sakte hain. Aap chahe to widget ko top par hi rahne de ya fir usey drag kar ke apne manpasand jagah par fit kar dein. or fir layout me upar Save Arrangement par click kar dein. Ab jab aap blog open kariyega to aapne Jo Widget lagaya tha vo aapko show hone lagega.
 
Dosto, aapko ye jankari kaisi lagi, is bare me mujhe comment kar ke jarur bataye. Dhanyawaad.

Isey Bhi Padhein:

loading…