3

Off Page SEO Karne Ke 14 Best Tips

Off Page SEO

Off Page SEO Techniques, SEO ka hi part hai jiski madad se hum external source se apni site par traffic la sakte hai. Bahar se hamare site par traffic aane se hamare site ki rank bhi badhti hai or hamara post bhi search me aane lagta hai.

Post likhne ke baad usey search me lane ke liye hum uska SEO karte hain. SEO mainly 2 tarikse kiya jata hai.

1) On-Page SEO
2) Off-Page SEO
Off Page SEO
1) On-Page SEO:- Post likhte samay Title, Permalink, Image, Description, Keywords in sabhi ka apne post me sahi tarike se prayog karte hai jisse hamara post search me aa sake.

2) Off-Page SEO:- Jab hum Post publish kar dete hai tab usko search me lane or bahar se apne site par traffic lane ke liye jo kaam karte hai, usey Off-Page SEO kahte hain.

SEO ki suruaat On-Page SEO se hoti hai or jab hum post publish kar dete hain tab Off-Page SEO par kaam kiya jata hai.

Pichle post me humne On-Page SEO Kaise Kare is bare me bataya tha, Agar aapne vo post nahi padha hai to sabse pahle usey padhiye, uske baad Off-Page SEO padhiyega.

Aaiye Jante hai ki:-

 

Off-Page SEO Kaise Kare

 

1) Social Sites Ke dwara

Dosto, Aaj ke samay me Social Sites ka importance kisi se chhupa nahi hai. Puri duniya me roj karodo log alag-alag Social Sites use karte hai or ye sankhya lagatar badhti ja rahi hai.

Aise me apne sites ko kam samay me Jyada se jayda logo tak pahuchane ka Sabse sasta or sabse badhiya Option hai:- Social Networking Sites.

Off Page SEO Social Sites

Iske liye sabse pahle aapko kisi bhi Social Sites jaise Facebook, Google+, Twitter, Whatsapp in sab par apna Account banane ke baad apne Site ka Page Ya Group bana lein or fir daily apne site ka link in Groups ya Page me post karein.

Lekin ye sab ek proper planning kar ke hona chahiye. Maan lijiye aapne Facebook par 50 group join kar rakha hai or aap ek hi din me apne group ke alawa in sabhi group me bhi links post karenge to Facebook aapko Spammer ki category me daal dega or ho sakta hai aapka account close bhi kar de.

Isliye Jo bhi Group join kariye vo aapke Site ke Topic se related ho or daily 4-5 link se jyada post mat kariye.

 

2) Backlinks Banana

Social Site par link post karna bhi backlinks ki category me hi aata hai. Iske alawa aap kisi dusre site/blog par jakar waha achcha sa comment kar ke bhi apna backlinks bana sakte hain.

Backlinks kaise banaye ye janne ke liye hamara ye post jarur padhein.

 

3) Forum Join karna

Aaj Internet par alag-alag topic par bahut sare forum bane hue hai. Aapko bas itna karna hai ki Apne topic se related Forum join kariye or waha discussion me active hokar participate kariye.

Logo ke sawalo ka jawab dijiye, isse logo ko aapke bare me janne ki ichcha hogi to vo khud hi aapke site par khiche chale aayenge or aapka site unhe pasand aa gaya to aapke permanent visitors bhi ban jayenge.

Kuh Top Forum Sites ke naam niche diye gaye hai, inhe jarur visit kariyega:-

1. www.seoforums.org
2. www.highrankings.com/forum/
3. www.seochat.com
4. www.seo-guy.com/forum/
5. www.webmaster-talk.com/
6.www.aosep.com/

 

4) Search Engine Submission

Aap soch rahe honge ki maine galti se Search Engine Optiomization ko Search Engine Submission to nahi likh diya?

Agar aisa hai to aap galat soch rahe hain. Search Engine Submission, Off-Page SEO (Search Engine Optimization) ka ek bahut hi jaruri ya kah lijiye bahut hi important part hai.

Isme hum apne blog/site ko Puplar Search Engine jaise Google, Bing, Yahoo, MSN etc me submit karte hai. Aisa karne se hamare site par maujud sare post in Search Engine ke database me add ho jata hai jo baad me search me show hone lagta hai.

Agar aapne Google Webmaster me abhi tak apna Site add or Submit nahi kiya hai to hamara ye post padhein or usme di gai jankari ko follow karein.

a) Google Search Console me Blog kaise Add Kare.

b) Search Console me Blog ka Sitemap kaise Submit kare.

5) Social Bookmarking Site ka Use

Isse pahle ki aap fir se confuse ho jaye, mai yaha ye batana chahunga ki Social Networking Site alag hai or Social Bookmarking Site alag hai.

Aadhe se jyada logo ko sayad ye bhi pata bhi nahi hoga ki Social Bookmarking Sites kya hai.

Apni Site/Blog ko Internet par promote karne ke liye Social Bookmarking site sabse badhiya option hai Kyuki Search Enginne bhi is tarah ke sites ko jyada importance deta hai.


Iske liye sabse pahle aapko in Social Bookmarking Sites par apne ko Register karna padega jo ki jyadatar free hi hote hain. Uske baad aap apne Blog/Sites ko in sites par submit kar dijiye.

Iske sath hi aise sites par hone wale discussion me bhi jarur participate kariyega, aisa karne se aapke site par visits jarur badhegi.

Kuch Popular Social Bookmarking Sites ke naam niche diye gaye hai.

1) stumbleupon.com
2) digg.com
3) connotea.org
4) delicious.com
5) slashdot.org
6) technorati.com
7) www.reddit.com
8) www.pinterest.com


6) Blog Directory Submission Site ka Use

 

Internet par bahut sari aisi sites hai jo aapko apne blog submit karne ki facility dete hai. Aise sites par blog submit karne se hame bahut hi achcha backlinks bhi milta hai.

Lekin aapko ek baat ka dhyan rakhna chahiye ki Blog Directory Submission bahut hi achchi quality wali sites ho matlab aisi sites ka Google me Page Rank bhi achcha hona chahiye tabhi aapko iska fayda milega.

Kai sare Blog Directory Submission sites paise bhi lete hai lekin mai yaha kuch aise sites ka naam de raha hu jo bilkul free hai, Aapko sirf yaha par apni ID create karni hai or apna blog submit karna hai.

1) www.1abc.org
2) www.9sites.net
3) www.a1webdirectory.org
4) www.aaf14.org
5) www.bestbusinesswebdirectory.com
6) www.bizzdirectory.com
7) www.blogarama.com
8) www.blogs-collection.com
9) www.blogdirectory.ws
10)www.blog-search.com


7) Article Aur Classified Submission Site

 

Jab hum apne Post ko publish kar dete hai tab uske promotion ke liye hume Article or Classified Submission sites par apne post ka link jarur share karna chahiye. Aisa karne se hame bilkul Organic or Natural traffic milta hai jo SEO ke najariye se bahut hi important hai.

Bahut sare Article or Classified submission sites hai jaha aap bilkul free me apne post ko submit kar sakte hain. Kuch sites ke list mai yaha de raha hu.

Article Submission Site List:-

1) www.newsvine.com
2) ezinearticles.com
3) hubpages.com
4) letsbefamous.com
5) www.articlesbase.com
6) www.articlecube.com
7) www.articlesfactory.com
8) ezinemark.com


Classified Submisstion Site List:-

1) www.olx.in
2) www.sulekha.com
3) www.quikr.com
4) www.clickindia.com
5) www.khojle.in
6) www.backpage.com
7) www.myspace.com
8) www.epage.com


8) Video Promotion

Apne Blog/Site ke baare me logo ko batane ka ek sabse badhiya or aasan tarika hai Video Promotion.

Aapko sirf itna karna hai ki aap ek Video banaiye or usme apne Blog/Site ke bare me short me bataiye ki aapka blog/site kis topic par hai, uski quality kya hai or us par visit karne se logo ko kya fayda hoga.

Video ban jane ke baad jaruri editing/formatting (jaise video me niche ya upar side me aapke blog ka link hamesa dikhta rahe etc.) kar ke usey famous Video sharing sites YouTube, Daily Motion, Metacafe etc par upload kar dijiye or sath hi in sites se apne video ko Mobile format me download kar lijiye.

Isey Bhi Padhein: Robots.Txt file Kya hai or Iska Use kya hai

Mobile format me download karne ko isliye kah raha hu kyuki in sites se video dowload karne par video ki quality bhi achchi rahegi or size bhi kam ho jayega jabki agar aap kisi software ka use karenge to ho sakta hai quality ya size me fark aa jaye.

Video download karne ke baad aap usey Whatsapp, Hike or facebook par apne Friends or Group me share kar dein. Aisa karne se aapke Blog ka promotion to hoga hi sath me traffic bhi badhega.

 

9) Photo Sharing Sites Ka Prayog

 

Video Promotion ki tarah hi aap Photo Sharing Sites ka prayog apne blog/site ke promotion ke liye kar sakte hain.

Iske liye sabse pahle aapko apne blog me use kiye gaye Unique or attractive image ko lekar uske upar apne blog ka link add kar dena hai or fir usey top photo sharing sites jaise Instagram, Flicker, Photo bucket etc par upload kar dena hai.

Is tarah jab koi aapka photo dekhega to usey aapke blog ka link bhi usme dikhega or issey aapke blog par traffic badhne ke chance bhi badh jayenge.

 

10) Document Sharing Sites Ka Prayog

Article or Classified Submission sites ki tarah hi Document Sharing Sites ka bhi prayog apne blog ki traffic badhane ke liye kiya ja sakta hai.

Iske liye aapko pahle apne blog post ko pdf me convert karna hoga or fir usey popular Document Sharing Site par upload karna hoga.

Kuch Document Sharing Sites ke link niche diye gaye hai.

1) www.scribd.com
2) www.slideshare.net
3) https://issuu.com
4) www.box.net
5) www.keepandshare.com

11) Dusre Sites Se Link Exchange Karna

Aapne jis topic par apna blog banaya hai usi se related dusre blog/sites ke contact karein or aapas me link exchange karein matlab aap unke blog ka link apne blog par lagayein or aapka link vo apne blog par add kare.

Aisa karne se dono bloggers me ek achcha relation bhi banta hai or sath me blog ke liye backlinks bhi create hoti hai jisse traffic bhi badhta hai.

Lekin dhyan rahe jis blog ke sath aap link exchange karenge vo koi galat chiz ko promote na kar raha ho or na hi us par koi galat chiz post honi chahiye, agar aisa kuch hota hai to uska sidha asar aapke blog par bhi padega.

12 Dusre Sites Ka Review Karna

Aap apne Blog topic se related dusre Successfull blogs ka review bhi post kar sakte hain. Aisa karne par bhi aapke blog par visits badhenge.

13) Online Forum Par Reply Dena

Aapne jitne bhi Online Forum Join kar rakha hai un sabhi par daily visit karein or waha puche gaye sawalo ka jawab jarur dein. Aisa karne par us forum ke users aapka blog jarur visit karenge or aapke likhe gaye post pasand aane par aapke Blog ko apne favourite list me bhi daal sakte hain.

1) https://answers.yahoo.com/
2) https://www.quora.com/

14) Guest Post Karna

Ek behatarin or kargar upay hai Guest Posting. Kisi website (jo aapke blog topic se hi related ho) ke liye post likh kar publish karwana hi Guest Posting kahlata hai.

Lekin dhyan rahe vo site us field ki successfull site honi chahiye or vo kisi galat chiz ko promote nahi kar rahi ho.

Ummid karta hu aapko ye Post pasand aaya hoga. Agar koi sujhav ya sawal ho to comment me jarur bataye or apne friends ya relatives ke sath isey share karna na bhule. Thank You.

Isey Bhi Padhein

loading…




0

On-Page SEO Karne ke 15 Best Tips

On Page Seo

 
SEO yani Search Engine Optimization hamare Site/Blog ke liye kitna jaruri hai ye aap sabhi jante honge. Search Engine Result Page (SERP) me high rank dilane ke liye hame apne site/blog ko Optimize karna bahut jaruri hai.
 
SEO mainly 2 tarike se kiya jata hai.
1) On-Page Seo 2) Off-Page SEO.
On Page SEO
 Aaj mai is post me aapko On-Page SEO Techniques ke bare me bataunga. Aaiye Sabse pahle jante hai ki

On-Page SEO kya hai?

Jab bhi hum koi Post ya Article likhte hai to Post ke topic ke anusar uska Title, Headings, Permalink, Image, Video ye sabhi add karte hai, sath hi post ki demand ke anusar sahi jagah par sahi keyword ka use karte hai yani Optimize karte hai. 
 
Ek line me kaha jaye to, Apne Post ko Title, Headings, Permalink, Keyword ke use se sahi tarike se optimize karna hi On-Page SEO kahlata hai.

Isey Bhi Padhein

 

On-Page SEO Kaise Kare:-

On Page Seo

1) Title Me Sahi Keyword ka Use

Search Engine jab hamare blog par aata hai to kai chizo ke sath-sath vo hamare Post ke Title ko bhi dekhta hai. Agar humne title me koi aisa keyword rakha hai jo jyada search hota hai to Search me hamare post ke aane ke chance badh jate hai.
 
Isliye hamesa kosis karni chahiye ki aapka main keyword Post ke title me sururwaat me ho ya bich me ho lekin last me kabhi bhi na ho. Aap isey aise samajh sakte hain- 
 
On-Page SEO Kya hai aur Kaise Kare
 
Kaise Kare On-Page SEO aur kya hai iske fayde
 
Post ko Search me lane ke tarike: On-Page SEO

Isey Bhi Padhein: Google Analytics me Account Kaise Banaye

 

2) SEO Friendly Permalink Bana Kar

Jab bhi hum koi post likh kar publish karte hai to Blogger us post ke title ko hi uska url bana deta hai ji ki kabhi-kabhi bahut lamba ho jata hai. 
 
Blogger me hi side me ek tool hota hai Permalink ka. Permalink ki madad se hum apne post ke url ko na sirf chhota kar sakte hai balki apni marji se usme koi bhi keyword daal sakte hai.
 
Aap kabhi apne post ka URL jyada bada mat rakhiye jaise
internethindime.com/on-page-seo-kya-hai-aur-kaise-karte-hai
 
Ya fir aisa bhi mat rakhiye-
internethindime.com/p=10 
 
Ab aap soch rahe honge aisa kyu? Iska karan ye hai ki Google hamesa URL ke starting ke 3-4 word ko hi jyada importance deta hai. Jaise-
 
internethindime.com/on-page-seoOn Page SEO Permalink
 
Ye URL chhota bhi hai or isme sabse jyada search kiya jane wala keyword bhi hai isliye hamare post ke search me high rank milne ki sambhavna badh jati hai.
 
Isliye hamesa apne Permalink URL ko chhota rakhe aur usme main keyword ka hi use kare. 

Isey Bhi Padhein: Blog Post ki Setting Kaise kare

 

3) Keywords Ko Sahi Jagah Place Kar Ke

Jab Search Engine hamare Blog Post par aata hai to Title ke baad hamare post ke starting ke 1-2 paragraph ko read karta hai or us aadhar par ye andaja lagata hai ki hamara post kis topic par hai.
 
Isliye hame kosis karni chahiye ki apne post me starting ke 100-150 words me post se related jaruri keywords insert kiye jaye, Yani aapke starting ke 1-2 paragraph me hi aapke us post me use hone wale main keywords aa jaye.
 
4) Attractive Image Ya Video Insert kar ke
 
Kahte hai ki ek achchi Photo, 1000 shabdo ke barabar hoti hai. yaani aap ek meaningful photo daal dijiye to aapko 1000 words type karne ki mehnat nahi karni padegi.
 
Yaha bhi kuch aisa hi hai. Agar aap apne post me kewal text hi likh rahe hai koi Image ya Video nahi dalte hain to ye aapke Blog or Post ke liye bahut hi khatarnak hai.

Isey Bhi Padhein: Blog Ke Liye 11 Free Stock Images Sites List 

Jab aap apne post me attractive Image ya Videos insert karte hai to visitors ke us post par jyada der tak ruke rahne ki sambhavna badh jati hai jisse aapke blog ka Time On Page badh jata hai or jab visitors jyada der tak aapke blog par rahega to waha maujud dusre interlnal links bhi jarur open karega, isse aapke Blog ka Bounce Rate bhi kam ho jayega.
 
Time On Page:– Koi bhi visitors aapke site par kitne samay tak ruka raha, isey Time on Page kahte hai.
 
Bounce Rate:– Jab Visitors Blog par aane ke baad dusre page par jaye bina hi Blog se chala jaye to usey Bounce Rate kahte hai.
 
Agar aapke Blog ka Bounce Rate Badh raha hai or Time On Page kam ho raha hai to Google aise Blog ko jyada importance nahi deta hai jis karan us blog ki page rank girne lagti hai.
 
Isliye apne post ko attractive banane ke liye jarurat ke anusar usme Image or Video bhi jarur insert kare.
 

5) Page ki Loading Time Kam Kar Ke

 
Agar aapka blog ya site ko puri tarah se load hone me bahut jyada time lagta hai to ye aapke liye khatre ki ghanti hai.
 
Google aise Blog/Site par kadi nazar rakhta hai or loading time kam nahi hone par Search me importance nahi deta hai.
 
Page Loading time kam karne ke liye hame apne Blog/Blog-Post par HD pics ko compress kar ke lagana chahiye, iske alawa bekar ke plugin ya widget add karne se bachna chahiye, ye bhi page loading ko slow kar dete hai.

Isey Bhi Padhein: Google Analytics Me Blog Add Karne Ke Fayde

Agar aapka Site load hone me jyada time leta hai to jyadatar visitors aapke site par dubara visit nahi karenge.
 
Generally, Site ki loading time 4 second honi chahiye lekin hamare desh me jaha aaj bhi bahut log slow net use karte hai, waha 5-6 seconds hone se jyada fark nahi padega lekin kosis yahi rahni chahiye ki loading time 5 second se jyada na ho.
 
Aap GTmetrix.com par jakar apne site ka loading speed check kar sakte hain. 
 

6) Post Content ko Bada Kar ke

Agar aap chahte hai ki aapka post Search me first page par aaye to aapko apna post kam se kam 2000 words me likhna chahiye yaani ki aapka post kaafi bada hona chahiye.
 
Post bada hone se us topic se related sare jaruri keywords kahi na kahi aa hi jate hai. Isliye jitna bada post hoga utna hi jyada usme keywords use ho sakega or ye SEO ke liye bahut hi jaruri hai ki aapke post me us topic se related keywords jyada se jyada ho.
 
Lekin bada post likhne ke chakkar me aisa na ho ki aap kuch bhi ulta sidha likh kar post ko bada kar dein. Jo bhi kuch likhiye TO The Point likhiye, Jisse padhne wale ko bhi achcha lage or Search Engine bhi usey ignore na kar sake.
 

7) Title Me Modifiers Ka Prayog Kar Ke

Aaj ke Samay me apne Title ko attractive banane ke liye log kai sate Modifiers jaise “Top”, “Best”, “Review”, “Complete”, “Adbhut” etc. ko use karte hai, Isse aapka Title attractive banta hai or visits bhi badh jate hai.
 
Kuch aise hi Title dekhiye:-
 
1) Best SEO Tips jo aapko or kahi nahi milenge.
 
2) Top 10 Mobile Apps jo aapke phone me jarur hona chahiye.
 
3) Aisa Adbhut Karnama aapne kabhi nahi dekha hoga.

Isey bhi padhein: UC News Me Site Ko Kaise Submit Kare

 
Jaisa ki aapne upar ke tino example me dekha ki har title ko kis tarah se modifiers ke use se attractive banaya gaya hai, jisey padhne ke baad koi bhi click kiye bina nahi rah payega.
 
Or fir jab aap aise title wale link ko social sites par share karenge to waha par click milne ke chance pahle ki tulna me jyada honge. 
 
Yahi nahi Google search me bhi aapka attractive title dekh kar click karne ke chance 20% tak badh jayenge. Isliye agli baar post likhte waqt is Attractive Title lagana mat bhuliyega.
  
8) Social Sharing Button ka Use Kar ke
 
Social sites ka aaj hamare jivan me kya importance hai ye batane ki jarurat nahi rah gai hai. Agar aapka friend list bada hai or aap koi pic dalte hain to kuch hi ghanto me aapke pics par 100+ likes or comments aa jate hai.
 
Ab jara sochiye, agar aap apne likhe hue post ko social sites par share kariyega to kya hoga?
 
Agar aapke friend list me 5000 log hai to maan kar chaliye ki waha se aapko kam se kam 5% visit yani lagbhag 250 visits jarur milegi.
 
Ye to tha sirf aapke Social Sites ka haal lekin sochiye agar aap apne Blog-Post me Social Sharing (Facebook, Twitter, Whatsapp, Linkedin) button ko add karte hai to kya hoga?

 Isey Bhi Padhein: Naye Hindi Bloggers Ki 10 Galtiya

 
Apke post ko padhne wala har 10 me se 1 visitor aapke post ko social sites par share karega to ussey na sirf aapke site ka visits badhega balki aap search me bhi upar aa jayenge or yaha tak ki aapka post viral bhi ho sakta hai.
 
Lekin iske liye jaruri hai ki aap apne post me social sites ka button add karein kyuki kuch hi log aise hote hai jo post achchi lagne par uska URL copy kar ke share karte hai baaki waha se nikal jate hai.
 
Agar waha Social Buttons honge to fir aapke post share hone ke chance bhi badhenge or sath hi apne Blog me apne Facebook Page/Group, Twitter, Google+ ke links bhi jarur add karein, issey jyada se jyada log aapko follow karna suru karenge or aapke blog par daily visits bhi badhega.
 

9) H1 aur H2 Tag ka Use Kar Ke

 
H1, H2, H3 tags ko hum Heading or Sub-Heading ke liye use karte hai lekin bahut kam logo ko hi pata hoga ki ye On-Page SEO ke liye bhi use hota hai.
 
Jab Search Engine hamare post me aata hai to Hamare post ka Title, Headings, Sub-Headings check karta hai or jab hum Headings or Sub-Headings me H1, H2 Tag use karte hai to Search Engine usey sabse pahle read karta hai or issey usey pata chal jata hai ki hamare post ka topic kya hai ya post me kis bare me bataya gaya hai.
 
10) Internal Links Add Kar Ke
 
Jab bhi hum koi post likhte hai to usme kai baar aise keywords aate hai jin par hum already post likh chuke hote hai. Apne visitors ki suvidha ke liye hum us keywords me apne us post ka link add kar dete hai jisse visitors ko vo post padhne ke liye jyada bhatakna na pade.
 
Ek line me kahu to apne naye post me purane published post ka link add karna hi Internal Link kahlata hai.
 
SEO ke najariye se Internal links add karna bahut hi jaruri hai. Aisa karne se aapke Blog ka Bounce rate bhi kam hota hai or Time On Page bhi badhta hai.
 
Internal Links ka sabse best example hai Wikipedia. Jab aap wikepedia me koi topic par article padhte hain to aapko 10 lines me hi kam se kam 5 internal links mil jate honge jis par click kar ke aap usse related article par pahuch jate hai.

Isey Bhi Padhein: Post publish karne se pahle dhyan rakhe kuch jaruri baatein

 

11) Image Optimization Se

Jab aap Google me kuch search karte hai to Search me bahut sara result aata hai lekin vo Web me hota hai.
 
Aap dekhte honge Search ke thik niche “All Images Videos News” etc ye sab option bhi aata hai. Ab agar aap Images par click karenge to aapke search kiye gaye keyword se related Image waha show hoga.
 
Aapne kabhi socha hai ki aisa kyu hota hai?
 
Iska karan hai Image Optimization. Aaiye jante hai Image Optimization kaise karte hain.
 
1) Name:– Jo bhi Image add karna hai pahle uska naam dena hoga. Kai baar jab hum pic click karte hai to uska naam kuch aisa hota hai- 20170201.jpg lekin hame usey rename kar ke uska sahi naam rakhna chahiye.
 
Agar Vo image On-Page SEO se related hai to uska naam On-Page SEO ya waisa hi kuch naam rakhe.
On-Page SEO Image Property

2) ALT Tag ka use:– Jab aap post me Image add kar dete hai to uske baad image par click kariye, image select ho jayega or kai sare option dikhenge, usme aapko properties me jana hai.

On-Page SEO


Waha aapko Title Text or ALT Text likhne ke liye kaha jayega. Agar aapka post On-Page SEO par hai to aap yahi keyword Title Text or ALT Text me likh kar OK kar dijiye jaisa ki niche image me dikhaya gaya hai.
 
Aisa karne se Google ko aapke content ke bare me samajhne me aasani rahegi aur agar koi ALT text me dale gaye keyword ya usse milta julta keyword search  karega to Search me aapka post ya Image me aapke post ka image dikhne ke chance badh jayenge.

 Isey Bhi Padhein: Blog ka Ek se Jyada Admin kaise banaye

 

12) Post Description Likh Kar

 
Aap soch rahe honge ki itna lamba chauda post likh diya to post description ki kya jarurat hai.
 
Dosto, apne school ke dino me jab aap chhutti karte honge to apne class teacher ke naam ek application bhi likhte honge jisme aap chhutti karne ke karan ke bare me batate they lekin usse pahle aap usi application me ek Subject bhi likhte they jise padh kar aapke teacher ko ye pata chal jata tha ki application kis bare me hai.
 
Thik usi tarah hum apne post ka short description likhte hai or jab Search me hamara post dikhta hai vo visitors us short description ko padh kar hi andaja laga leta hai ki ye post kis bare me hai or ye uske kaam ka hai ya nahi.
 
Isliye Post chahe chhota ho ya bada lekin uske sath uska description jarur hona chahiye.
 
13) Outbound Links Ka Use Kar Ke
 
Google chahta hai ki aap apne field ke Bloggers ya Site Owners se achche rishte bana kar rahe, isliye vo chahta hai ki aap apne site me dusre site ka link bhi add kare.
 
Outbound link kya hota hai? 
 
Jab hum apne blog/site me kisi dusre blog/site ka link add karte hai usey hi outbound link kahte hai.
 
Hamare post me kam se kam ek Outbound link jarur hona chahiye, issey hamare post ke SEO par bahut hi achcha asar padta hai, sath hi dusre Bloggers se hamare rishte bhi achche hote hai jiska result hame badhe hue traffic ke rup me milta hai. 

Isey Bhi Padhein: Blogger Me Apna Template Kaise Add Karein

 

14) Responsive Design Se

Abhi tak humne post likhne or uski setting ke bare me hi baat kiya lekin in sabke sath hi ek jaruri baat ye bhi hai ki hamare Blog/Site ka Template User-Friendly, Mobile-Friendly or SEO-Friendly ho.
 
Kai baar jab aap koi website open karte honge to uska design dekh kar usey jaldi band kar dete honge or kai site ki design se hi khus hokar aap uske dusre page bhi check karte honge.
 
Agar aapne Blogger par blog bana rakha hai tab to aapko Mobile Friendly Template ke bare me chinta karne ki jarurat nahi hai lekin agar aapne custom template laga rakha hai to aapko uske bare me apne visitors se feedback jarur lena chahiye ki unhe aapke blog ko open karne, navigate karne me problem to nahi ho rahi hai?

 Isey Bhi Padhein: Blogger Me Kaam Aane Wale Useful Widget

Agar aapke blog/site ka design sahi nahi hai or SEO-Friendly bhi nahi hai to Google is par bhi aapse naraj hokar aapko search me niche kar sakta hai.
 
Isliye apna template jarur check kariye. SEO-Friendly Free template kaise lagaye ye janne ke liye hamara ye post jarur padhein.
 

15) LSI (Latent Semantic Indexing) Keywords Ka Use

Dosto, Jab aap Google me kuch search karte hain to result ke taur par aapko bahut sari sites dikh jati hai lekin jab aap scroll karte hue niche tak jate hai to aapko Google ke dwara kuch naye keywords bhi sujhaye jate hai.
 
Jaisa aap image me dekh sakte hai. Google ke dwara sujhaye gaye inhi keywords ko LSI Keywords kahte hai.
On-Page SEO Google Search

Jab aap bahut lamba post likhte hain to aapko in keywords ko add karne ki jarurat nahi padti hai lekin aap chahe to inme se ek ya do keywords ko apne post me jarur shamil karein, aisa karne se aapke post ko Search me aane me aasani rahegi.
Aap lsigraph.com par jakar apne post ke liye suitable LSI keyword generate kar sakte hain.

 Aaj ka ye post aapko kaisa lga? Post se related koi Sawal ya Koi Advice ho to Comment kar ke jarur bataiyega. Thank You. 

 Isey Bhi Padhein:

loading…